Пондам уджавны водзö

Рубрики

Архив новостей

апрель 2024

пон	втр	срд	чет	пят	суб	вск
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30

Главная

Общество

Пондам уджавны водзö

28 января 2020

Колян вося декабрь медбöръя лунъясö чукöртчылiс МОД «Коми войтыр» Емдiнса представительстволöн сöвет, кодöс бöрйöма локтан нёль во кежлö ноябрь 29 лунö коми конференция вылын.

Сöветö пырисны öкмыс морт: Василий Мисаилович Лютоев – сöветлöн председатель (районса коми войтырлöн общественнöй организацияöн выль веськöдлысь); сiйöс вежысь – Александр Николаевич Малафеев, секретарь – Анна Владимировна Семукова, а сiдз жö Лариса Александровна Курсова, Елена Владимировна Мокрушина, Юрий Александрович Исаков, Владимир Валентинович Прокушев, Галина Борисовна Семукова и Александр Александрович Лютоев.

Сöветлöн медводдза чукöртчылöм вылын вöлi вынсьöдöма уджалан план. Уджлöн медводдза ыджыд юкöн – матыстчысь коми войтырлöн съезд. Сiйö мунас Сыктывкарын февраль 14-16 лунъясö. Емдiн районсянь съезд вылö мунасны конференция вылын бöрйöм сизим морт: Елена Мокрушина, Николай Огнев, Василий Лютоев, Александр Лютоев, Владимир Прокушев, Антонина Третяк и Никита Тушканов.

Съездлöн уджалан программаын пленарнöй да секционнöй заседаниеяс. Пока эм кад, съезд вылö мунысь делегатъяслы Емдiн районса олысьяс вермасны висьтавны ассьыныс мöвпъяснысö – кыдзи да мый колö вöчны, медым бурмöдны коми муын олысь войтырлысь олöмсö, вöр-валысь дзоньвидзалунсö.

Февраль мöдöд лунö Кöжмудорса шöр велöдчанiнын МОД «Коми войтыр» районса представительство кöсйö нуöдны районнöй волейбольнöй турнир мужичöйяслöн командаяс костын «От гöра ёртъяслöн ордйысьöмъяс». Март 21 лунö Емдiн районса коми представительстволöн команда ветлас Кöрткерöс районса Большелуг сиктö «Лямпиадалöн» XIV республиканскöй фестиваль вылö. Сiдз жö планъясын петкöдны коми киподтуя йöзлысь уджъяссö «Зарни кияс» районнöй выставка вылö, йöзöдны гижöдъяс фронтовикъяс да тылын уджалысь олöма да мöдар югыдö мунöм йöз йылысь районнöй газетын Победалöн 75 во кежлö. Во быд лоö нуöдöма удж колян коми конференциялöн решениеяс олöмö пöртöм могысь.