Архив новостей
понвтрсрдчетпятсубвск
    123
45678910
11121314151617
18192021222324
25262728293031
       

Повтöм шыр

30 января 2019
Оз сöмын йöз, но и гортса да вöрын олысь пемöсъяс мукöддырйи вöчöны гöгöрвотöм торъяс.
 
 
Апрельлöн первой декадаыс медбур кад йи вывсянь чери кыйысьяслы: абу нин кöдзыд и йиыс ён на, он пов вöйöмысь. Шондiа лунъясö лымйыс ёнакодь нин сылö, вöр-ваын ставыс вöрö, олöмыс ловзьö.
 
Öтчыд мöдöдчи Ёвтыö и ме: шойччыштны, видзöдлыны вöр-ваын вежсьöмъяссö, да и чери юква вылö кыйыштны. Чери кыйысьяс, кодъяс волöмаöсь водзджык, уна розь йиас писькöдöмаöсь. Найö вылысяньыс кынмыштöмаöсь, но абу ёна – кыйсян ыджыд пурт бура писькöдö. Ветлöдла ты кузя, важ розьясысь корся чери. Шедыштö посниндзи ёкыш, öтка-öтка кельчи да дарга (йöрш).
 
Йи кузя тшöтш неылын ветлöдлöны кык рака, тыдалö – гозъя, корсьöны йи вывсьыс чери кыйысьясöн воштöм ном гаг да нидзув, ваын рабзьöм нянь торъяс. Друг öти ракаыс лэбöдчис, а сэсся тшук пуксис бöр йи вылас, тэрыба пондiс пышъявны öтарö-мöдарö, быттьö кодöскö кöсйс кутны. И збыль, йи вылас луншöр-лунö петöма шыр и тылöн увтас боксянь кöсйö вуджны джуджыд берегас. Пышйö став вынсьыс, кокыштны ракалы оз сетчы. И колис бы ловйöн повтöм шырыд, но мöд ракаыд тшöтш казялiс шыртö и кыкнад босьтiсны найö шырыдлысь ловсö дзик берег дорас нин, кöть кыдзи сiйö эз шыблась öтарö-мöдарö, медым не шедны ракаяслы öбед вылö.
 
Мöдысь керка дорын, юкмöс дорлань весалöм туй вылö луншöр лунö петiс ыджыд дженьыд бöжа шыр. Пышйö вочча, но менö аддзис да бöр косiс, пырис лымйö, петiс, бара кытчöкö саймовтчис. А сэсся неылысь, теплица дорысь, лым вылысь казялi ичöтик еджыд мыр – ласича. Шырыд сыысь, садьсö воштiг, вöлöмкö пышйö. Шедiс сiйö ласичалы или эз, эг аддзыв. А вот асьсö ласичасö регыд гортö ваис каньöй.
 
Мыйла нö шыръяс, кöчяс, мукöд вöрын олысь пемöсъяс петöны луншöр-лунö восьсаинö, йöз олан дорö. Векджык татшöмторйыс артмö сэк, кор посни ловъясöс кöсйö кутны кутшöмкö хищник. Но овлывлö и сiдз, мый найö асьныс, ас вöлянас корсьöны приключениеяс, кыдзи и йöз. И таын ми накöд öткодьöсь. 

Комментарии (0)


Противодействие коррупции



Фотогалерея
Версия для слабовидящих