Ар пом

Чеччан – пемыд, водан – пемыд,

Луныд лоис вывтi дженьыд.

Коркö зэрыштас да тöвзяс,

Коркö усяс еджыд лым.

Жугыль мöвпъясысь он мын.

Колис гожöм, колис ар,

Гажтöм сикт и гажтöм кар.

Шондi дзебсис – оз и петав,

Зарни югöрсö оз сетав.

Жугыль мöвпъясысь он мын.

Лунвыв лэбис тури, дзодзöг,

Ньöжйö кадыс мунö водзö.

Вöрад пемыд, весиг шуштöм,

Дзуртан пулысь сöмын ружтöм

Кылан – пöльыштас кö тöв.

Ваыс кöдзыд – он нин сöв.

Юрсö лэдзöм юдор бадь

Быттьö узьö – абу садь.

Ва ру пуксьö видзьяс вылö,

Шогсьö паськыд гöртöм му.

Туй визь вылын некод абу,

Вöрö некод нин оз мун.

Ньöжйö мунö арся кад,

Некод сылы абу рад.

Вайö ог на мöдö лöвтны,

Кадлысь мунöмсö он пык.

Тöвся кадыд регыд локтас,

Кынмас ю и кынмас ты.

Сэки шондi югöр сетас,

Сэки усяс небыд лым,

Сэки ловзяс тiян морöс,

Сэки содас тiян вын!

МИХАИЛ ЧЕРНЫХ, Яг грездса олысь.